वसमत: भारतरत्न डॉ. बाबासाहेब आंबेडकर यांची १३५ वी जयंती आणि तथागत भगवान गौतम बुद्ध यांच्या २५८८ व्या जयंतीचे औचित्य साधून वसमत येथे भव्य आरोग्य शिबिर व महाअभिवादन सोहळ्याचे आयोजन करण्यात आले आहे. डॉ. बाबासाहेब आंबेडकर स्मारक समिती आणि योग ध्यानसाधना प्रतिष्ठान परिवार यांच्या संयुक्त विद्यमाने हे कार्यक्रम पार पडतील.मोफत आरोग्य तपासणी शिबिरयेत्या गुरुवारी, दि. ३० एप्रिल २०२६ रोजी सकाळी ५:०० ते ६:३० या वेळेत डॉ. बाबासाहेब आंबेडकर स्मारक येथे हे शिबिर होईल.
यामध्ये नियमित योगाभ्यास करणाऱ्या साधकांसाठी वजन, बीपी, शुगर, ऑक्सिजन आणि ECG यांसारख्या महत्त्वाच्या चाचण्या मोफत केल्या जातील. वसमतमधील माहेर हॉस्पिटलचे प्रसिद्ध तज्ज्ञ डॉ. सन्नाऊखानल्ला खान आणि त्यांचे सहकारी रुग्णतपासणी करणार आहेत.सामूहिक महाअभिवादन वंदना सोहळावैशाख पौर्णिमेनिमित्त शुक्रवार, दि. १ मे २०२६ रोजी सूर्योदयसमयी ठीक ६:३० वाजता बुद्ध जयंतीचा मुख्य सोहळा संपन्न होईल.
यावेळी सामूहिक वंदना घेऊन तथागतांना अभिवादन करण्यात येईल. या मंगलप्रसंगी नागरिकांनी मोठ्या संख्येने आणि शक्यतो शुभ्र वस्त्र परिधान करून उपस्थित राहावे, असे आवाहन करण्यात आले आहे.स्थळ: डॉ. बाबासाहेब आंबेडकर स्मारक गार्डन, वसमत.या उपक्रमासाठी डॉ. बाबासाहेब आंबेडकर स्मारक समिती, योग ध्यानसाधना प्रतिष्ठान आणि डॉ. एन. एन. कुंटे, मिलिंद आळणे परिश्रम घेत आहेत. जास्तीत जास्त नागरिकांनी या सुवर्णसंधीचा लाभ घ्यावा, असे आवाहन आयोजकांकडून करण्यात आले आहे.
