वरिष्ठ प्रतिनिधी लक्ष्मण रोकडे मूकनायक पिंपरी चिंचवड दि. ३० मार्च २०२६ बुद्ध लेण्या मुक्ती आंदोलन समिती व सर्व लेणी संवर्धक टीम महाराष्ट्र, बौद्ध समाज विकास महासंघ पिंपरी चिंचवड शहर, टाटा मोटर्स बुद्धिस्ट फ्रेंड सर्कल, समता सैनिक दल पिंपरी चिंचवड शहर, व विश्वरत्न डॉ. बाबासाहेब आंबेडकर व त्यागमूर्ती माता रमाई स्मारक समिती पिंपरी चिंचवड शहर यांच्यावतीने गुरुवार दिनांक: २६/०३/२०२६ रोजी जयंतीनिमित्त विविध प्रबोधनात्मक कार्यक्रमांचे आयोजन करण्यात आले होते.
प्रथम सत्र: प्रियदर्शी चक्रवर्ती सम्राट अशोक यांच्या प्रतिमेस व विश्वरत्न डॉ बाबासाहेब आंबेडकर यांच्या पुतळ्यास मा. अण्णासाहेब बोदडे उपायुक्त पिंपरी चिंचवड महानगरपालिका व कार्यक्रमाचे अध्यक्ष मा. भाऊसाहेब डोळस यांच्या वतीने पुष्पहार अर्पण करण्यात आला. त्यानंतर बुद्ध वंदना सुत्त पठण घेण्यात आले व मा. अण्णासाहेब बोदडे उपायुक्त पिंपरी चिंचवड महानगरपालिका यांनी प्रियदर्शी चक्रवर्ती सम्राट अशोक यांच्या जयंतीनिमित्त शुभेच्छा दिल्या व त्यांच्या हस्ते पंचशील धम्म ध्वज फडकवण्यात आला. यावेळी पिंपरी चिंचवड शहरातील लेणी संवर्धक धार्मिक सामाजिक शैक्षणिक क्षेत्रातील मान्यवर उपस्थित होते.
द्वितीय सत्र या मध्ये सायंकाळी ५ ते ७ या वेळेत प्रियदर्शि चक्रवर्ती सम्राट अशोक यांच्या प्रतिमेची भव्य मिरवणूक काढण्यात आली. यावेळी बौद्ध उपासक/ उपासिका महाराष्ट्रातील विविध जिल्ह्यातून आलेले लेणी संवर्धक, समता सैनिक दल, व धार्मिक सामाजिक संघटनांमधील पदाधिकारी यावेळी उपस्थित होते.
सायंकाळी ७ ते ८ या वेळेत मा. प्रा. प्रकाश पवारसर फर्ग्युसन महाविद्यालय पुणे यांचे व्याख्यान आयोजित करण्यात आले.
व्याख्यानाचा विषय: प्रियदर्शी चक्रवर्ती सम्राट अशोक व बुद्ध धम्म याविषयी अनमोल असे मार्गदर्शन केले.
कार्यक्रमाचे सूत्रसंचालन मा. नामदेव वाळके यांनी केले, व स्वागताध्यक्ष मा. राजू भालेराव इतिहास प्रेमी लेणी प्रेमी व पाली भाषा अभ्यासक होते. त्यांनी उपस्थित सर्वाचे स्वागत केले. रवी कांबळे यांनी लेणी प्रेमी इतिहास प्रेमी यांनी कार्यक्रमास उपस्थित सर्वांचे आभार मानले.
सायं : ८ ते १० महाराष्ट्राचे सुप्रसिद्ध गायक मा. कुणाल वराळे प्रस्तुत गाथा युगपुरुषांची हा बहारदार कार्यक्रम सादर करण्यात आला आणि या कार्यक्रमांमध्ये उपस्थित श्रोत्यांनी भरभरून असा प्रतिसाद दिला.
या कार्यक्रमांमध्ये धार्मिक सामाजिक व लेणी संवर्धन क्षेत्रामध्ये उत्कृष्ट काम करणाऱ्या मान्यवरांना सन्मानित करण्यात आले.
समाधान सोनवणे, जोत्सना मोरे , लेणी संवर्धन क्षेत्रात उत्कृष्ट अशी कामगिरी केल्यामुळे त्यांना सन्मानित करण्यात आले. तसेच धम्म चळवळीत सक्रिय काम करणारे, कैलास पाटील, संतोष मोरे, भास्कर पानपाटील व उपासिका जयश्री शिरसाठ यांच्या गौरव करण्यात आला.
सामाजिक व धार्मिक चळवळीत विविध क्षेत्रातील मान्यवरांना सन्मानित करण्यात आले, प्रियदर्शी चक्रवर्ती सम्राट अशोकाची फोटो फ्रेम भेट देऊन मान्यवरांना सन्मानित करण्यात आले.
हा कार्यक्रम यशस्वी होण्यासाठी
बुद्ध लेणी मुक्ती आंदोलन समिती व बौद्ध समाज विकास महासंघ पिंपरी चिंचवड शहर, समता सैनिक दल पिंपरी चिंचवड शहर, टाटा मोटर्स बुद्धिस्ट फ्रेंड सर्कल, विश्वरत्न डॉ बाबासाहेब आंबेडकर व त्याग मूर्ती माता रमाई स्मारक समिती पिंपरी चिंचवड शहर यांनी विशेष प्रयत्न केले.
