मूकनायक प्रतिनिधी
प्रकाश लांडगे
विश्वरत्न, बोधिसत्व, परमपूज्य यांच्या १३५ व्या जयंतीनिमित्त संपूर्ण देशभरात उत्साह, अभिमान आणि विचारांची उधळण पाहायला मिळते. १४ एप्रिलपासून सुरू होणारा हा उत्सव केवळ एक दिवसापुरता मर्यादित राहत नाही, तर जून महिन्यापर्यंत, पावसाळ्याच्या आगमनापर्यंत विविध कार्यक्रमांच्या माध्यमातून साजरा केला जातो. ही जयंती केवळ उत्सव नसून विचारांची परंपरा जपणारी, सामाजिक प्रबोधन घडवणारी आणि बहुजन समाजाला प्रगतीच्या दिशेने नेणारी चळवळ आहे. या कालावधीत समाजातील प्रत्येक घटक बाबासाहेबांच्या विचारांचे स्मरण करून त्यांना आचरणात आणण्याचा प्रयत्न करताना दिसतो.
१५ एप्रिल २०२५ रोजी माटुंगा लेबर कॅम्प येथील पंचशील बिल्डिंग क्रमांक १ मधील रहिवासी संघाच्या वतीने भीम जयंतीचा कार्यक्रम अत्यंत उत्साहात साजरा करण्यात आला. या कार्यक्रमाचे आयोजन अत्यंत शिस्तबद्ध पद्धतीने करण्यात आले होते. परिसरातील नागरिकांनी मोठ्या संख्येने उपस्थित राहून या उत्सवात सहभाग घेतला. समाजातील एकात्मता, बंधुभाव आणि विचारांची देवाणघेवाण याचे सुंदर चित्र या कार्यक्रमातून पाहायला मिळाले. या उपक्रमामुळे स्थानिक पातळीवर आंबेडकरी विचारांचा प्रसार अधिक प्रभावीपणे घडताना दिसला.
या कार्यक्रमाला भारतीय बौद्ध महासभेचे बौद्धाचार्य चंद्रकांत वाघ गुरुजी, आंबेडकरी चळवळीतील निष्ठावंत कार्यकर्ते रोहन साठे, पंचशील सोसायटीचे सेक्रेटरी तुषार लोखंडे, तसेच विनोद खरात आणि श्रीधर खरे यांची विशेष उपस्थिती लाभली. या मान्यवरांच्या उपस्थितीमुळे कार्यक्रमाला अधिक उंची प्राप्त झाली. त्यांनी आपल्या विचारांद्वारे उपस्थितांना मार्गदर्शन करताना बाबासाहेबांच्या कार्याची आणि त्यागाची आठवण करून दिली. या निमित्ताने समाजातील तरुण पिढीला प्रेरणा मिळाली आणि सामाजिक जबाबदारीची जाणीव अधिक दृढ झाली.
कार्यक्रमामध्ये भारतीय बौद्ध महासभेचे बौद्धाचार्य, सैनिक आणि मूकनायक सदस्य विकास अहिरे गुरुजी, योगेश सावंत गुरुजी यांच्यासह विभागातील उपासक आणि उपासिका मोठ्या संख्येने सहभागी झाले होते. त्यांच्या सहभागामुळे कार्यक्रमाला एक वेगळी ऊर्जा प्राप्त झाली. सामूहिक उपस्थितीमुळे बौद्ध समाजातील ऐक्य आणि संघटनशक्ती स्पष्टपणे जाणवली. अशा कार्यक्रमांमुळे समाजातील संवाद वाढतो आणि एकत्र येऊन सकारात्मक परिवर्तन घडवण्याची प्रेरणा मिळते.
या प्रसंगी भारतीय बौद्ध महासभेचे बौद्धाचार्य प्रकाश लांडगे गुरुजी यांनी उपस्थितांना मार्गदर्शन करताना महत्त्वपूर्ण विचार मांडले. प्रत्येक घरात भारतीय बौद्ध महासभेचे सभासद निर्माण व्हावेत आणि प्रत्येक वॉर्डमध्ये छोटे-छोटे बुध्दविहार उभारून संघटन अधिक मजबूत करावे, असा संदेश त्यांनी दिला. ज्येष्ठ उपासिका इंदूमती अहिरे मावशी त्यांच्या प्रवचन आदर्श विचारांमुळे उपस्थितांमध्ये नवचैतन्य निर्माण झाले. संघटनशक्ती हीच परिवर्तनाची खरी ताकद असल्याचे त्यांनी ठामपणे मांडले.
कार्यक्रमाच्या शेवटी आयोजकांच्या वतीने उपस्थितांसाठी खीर आणि शीतपेयांचे वाटप करण्यात आले. हा उपक्रम केवळ औपचारिकता न राहता एक सामाजिक बांधिलकी म्हणून पार पडला. चंद्रकांत वाघ गुरुजी यांनी हा उपक्रम सुरू केल्याबद्दल उपस्थित उपासक आणि उपासिकांकडून त्यांचे कौतुक करण्यात आले. त्यांच्या कार्याचे अनुकरण करावे आणि अशा उपक्रमांची परंपरा पुढे चालू ठेवावी, अशी अपेक्षा व्यक्त करण्यात आली. एकूणच हा उत्सव सामाजिक एकात्मता, विचारांची देवाणघेवाण आणि प्रबोधनाचा प्रभावी संदेश देणारा ठरला.
मूकनायक
मुंबई ब्युरो चीफ
प्रकाश लांडगे..9920806563
